Kancelarja gjermane Angela Merkel ka mbërritur paraditen e sotme në Shqipëri, shkruan neësbomb.al. Rreth orës 10.00 avioni i saj është ulur në Aeroportin Ndërkombëtar “Nënë Tereza”.
Në Rinas Merkel u prit nga shefja e diplomacisë shqiptare Olta Xhaçka, ndërsa në Pallatin e Brigadave ishte vetë Edi Rama. Gjatë ceremonisë zyrtare pati dhe tre momente që nuk shkuan siç duhet, të cilat ne po ua sjellim më poshtë.
1-Sapo mbërriti në Pallatin e Brigadave, përmes pamjeve të drejtpërdrejta u pa se truproja tentoi tre herë të hapte derën e Mercedesit të kancelares, por ajo ishte bllokuar.
2-Menjëherë sapo doli nga makina, Merkel u takua me kryeministrin Rama i cili prej disa minutash priste në këmbë. Kreu i qeverisë shqiptare i zgjati dorën ta takonte kancelaren gjemane, ndërsa ajo duke qeshur e përshëndeti me grusht.
3-Të dy iu drejtuan më pas trupës së Gardës së Republikës, ku u zhvillua ceremonia zyrtare. Ajo që ra në sy ishte se për herë të parë himni degjohet ulur nga dy personalitetet.
– Cila ishte arsyeja që lidhet me dëgjimin e himnit ulur? Neësbomb.al mëson se kancelarja Angela Merkel për shkak se është e sëmurë, kudo që shkon kërkon karrige për t’u ulur. Po ashtu, ulur qëndroi dhe kryeministri Rama.
E njejta gjë ndodhi dhe në Serbi, ku Merkel ishte dje. Shefja “de facto” e Europës qëndronte ulur në karrige, ndërsa presidenti serb Aleksandër Vuçiç qëndroi në këmbë.
