Një pilot shpjegon se njerëzit nuk duhet të kenë frikë nga turbulencat, pasi avionët janë ndërtuar për t’i bërë ballë kushteve shumë më të këqija
Një pilot ndau një truk gjenial në TikTok për këdo që ka frikë nga turbulencat në avionë, raporton noa.al.
Jimmy Nicholson është një pilot australian, i cili ka përjetuar shumë turbulenca, të cilat ndonjëherë mund të duken të frikshme, por janë vetëm një ndryshim i papritur në rrjedhën e ajrit.
Së fundmi, ai postoi një video në llogarinë e tij në TikTok për të treguar "disa nga turbulencat më të këqija" që ka përjetuar ndonjëherë.
Mirëpo, gjatë gjithë klipit të shkurtër ai është shfaqur krejtësisht i patrazuar teksa fliste para kamerës, ndërsa rreth tij njerëzit bërtisnin dhe klithnin nga frika, raporton noa.al.
“Turbulenca të tmerrshme në fluturimin tonë sot”, ka shkruar ai në video.
Në të, Nicholson thotë se ajri i freskët dhe shikimi nga dritarja mund të ndihmojnë vërtet nëse keni frikë nga turbulencat.
Por ai ndau gjithashtu një truk tjetër që përfshin një shishe uji, për të cilën thotë se do të na ndihmojë shumë për të na mbajtur të qetë nëse ndihemi sikur avioni do të rrëzohet.
Burri ngriti lart shishen e ujit për të treguar se sa i qetë ishte avioni në të vërtetë. Ai demonstroi se shishja qëndronte pa u rrëzuar.
“Ne jemi në pjesën e pasme të aeroplanit, kështu që turbulenca është më e keqe këtu. Ata që gjenden këtu nuk janë rehat. Është ndoshta një nga më të këqijat që kam kaluar ndonjëherë.
Mund të jenë stuhi të përhapura, kështu që ata (pasagjerët) thjesht duhet të jenë rezistentë dhe ta kalojnë atë. Sepse, nuk ka asnjë arsye për t’u shqetësuar. Aeroplanët janë ndërtuar për të përballuar shumë më keq. Sigurisht që nuk është argëtuese, por çdo gjë është absolutisht mirë”, tha ai. /noa.al
