Një moment i pazakontë nga një dasmë në Kosovë është bërë viral në rrjetet sociale, duke tërhequr vëmendjen e një numri të madh përdoruesish në TikTok.
Në videon që po qarkullon në rrjet shihet nusja e ulur në një karrige, ndërsa dhëndri ndodhet pranë saj duke mbledhur paratë e hedhura në dysheme gjatë festës.
Ajo që e ka bërë skenën edhe më të komentuar është qetësia e nuses, e cila në ato momente shihet duke pirë cigare, derisa dhëndri vazhdon të mbledhë paratë.
Kontrasti mes veprimeve të çiftit ka mjaftuar që pamjet të shpërndahen me shpejtësi në TikTok dhe të nxisin reagime të shumta nga përdoruesit.
Nga pamjet, momenti duket se është zhvilluar në atmosferë festive dhe nuk ka indikacione se mes çiftit ka pasur ndonjë mosmarrëveshje. Përkundrazi, skena është komentuar kryesisht me humor nga personat që e kanë parë videon.
Edhe të pranishmit në dasmë duket se e kanë përcjellë me argëtim situatën, ndërsa dikush ka vendosur ta filmojë momentin, i cili më pas ka përfunduar në rrjetet sociale.
Videoja është shpërndarë nga përdorues të ndryshëm, ndërsa një pjesë e komenteve janë përqendruar pikërisht te rolet e nuses dhe dhëndrit në atë moment: ai duke mbledhur paratë dhe ajo duke qëndruar e qetë pranë tij.
Nuk dihet se në cilën pjesë të Kosovës është zhvilluar dasma dhe as identiteti i çiftit që shfaqet në pamje.
Megjithatë, momenti spontan ka qenë i mjaftueshëm që videoja të marrë vëmendje të madhe dhe të kthehet në një prej atyre skenave nga dasmat që vazhdojnë të komentohen gjatë në rrjetet sociale.
