Një ngjarje e rëndë është raportuar në fshatin Xhyherinë të Vlorës, ku një 23-vjeçare, e identifikuar si Ola Metani, ka humbur jetën në rrethana që mbeten ende të paqarta.
Sipas informacioneve që kanë qarkulluar në media dhe në rrjetet sociale, dyshohet se e reja ka ndërruar jetë pasi ka konsumuar një substancë toksike. Megjithatë, deri në këtë fazë, Policia e Shtetit nuk ka dalë me një njoftim zyrtar për të konfirmuar rrethanat apo shkakun e vdekjes.
Lajmi ka shkaktuar dhimbje të madhe te familjarët dhe të afërmit e saj. Xhaxhai i 23-vjeçares ka reaguar me një mesazh prekës në rrjetet sociale, ku shpreh pikëllimin për humbjen e mbesës.
“O Ola e xhaxhit. Menduam që mjaft i kemi pasur lotët, por ikja jote na hidhëroi shpirtin. Ishte një lule e bukur dhe e tillë do të mbetesh gjithë jetën, o yll i bukur, që na loton zemrën dhe shpirtin. Lamtumirë, o yll i xhaxhit”, ka shkruar ai.
Në rrjetet sociale kanë qarkulluar edhe komente dhe reagime nga persona që pretendojnë të kenë njohur të ndjerën. Mes tyre është edhe një postim i një mikeje të saj, e cila ka bërë pretendime lidhur me shkaqet e mundshme të ngjarjes. Këto pretendime nuk janë konfirmuar nga autoritetet dhe nuk duhet të konsiderohen si fakte.
Deri më tani nuk ka informacion zyrtar nëse është nisur një procedurë hetimore apo janë kryer ekzaminimet për të përcaktuar shkakun e vdekjes.
Autoritetet pritet të dalin me një komunikatë zyrtare pasi të përfundojnë veprimet e para hetimore dhe ekzaminimet përkatëse, të cilat do të ndihmojnë në sqarimin e plotë të rrethanave të kësaj ngjarjeje.
Ndërkohë, familjarët dhe të afërmit kanë shprehur dhimbjen e tyre për humbjen e 23-vjeçares, ndërsa komuniteti lokal është tronditur nga lajmi, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
