Zgjatja e afatit të aplikimit për kreditë e buta ka sjellë efekte pozitive, duke rritur numrin e familjeve përfituese.
Kjo u bë e ditur në mbledhjen e djeshme të Këshillit Bashkiak nga kryetarja e komanduar e Bashkisë së Tiranës, Anuela Ristani, e cila theksoi se nga 4 409 aplikime të paraqitura, në fazën e parë janë shpallur fituese 2 871 familje.
“Aktualisht, jemi në fazën e shqyrtimit të ankimimeve të fazës së parë. Sipas afateve, do të shpallet lista e aplikantëve fitues dhe jofitues, në përputhje me rezultatet e ankimimeve. Paralelisht, do të bëhet edhe hapja e thirrjes për fazën e dytë të kredive. Dorëzimi i dokumentacionit do të kryhet pranë sporteleve të pritjes me qytetarin ose përmes Postës Shqiptare”, sqaroi Ristani.
Sipas saj, hapja e thirrjes së dytë do të shoqërohet me një njoftim publik, ku do të përcaktohen edhe afatet për dorëzimin e dokumentacionit. Afati përfundimtar për aplikim do të jetë data 31 korrik 2026, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
