Ish-konkurrenti shokon me deklaratën, ja çfarë zbuloi për Olsa Muhametin nga koha e "Përputhen"

Rrëfimi vjen në një periudhë kur personazhe të njohur të televizionit shqiptar

janë vendosur në qendër të diskutimeve publike, pas publikimit të videove private të lidhura me kompozitorin Adrian Hila dhe pretendimeve të tjera që kanë qarkulluar në rrjet.

Gjatë një interviste në podcast, Misku tregoi një episod që, sipas tij, kishte ndodhur në një klub nate, ku ndodhej së bashku me një mik. Ai pretendoi se në tavolinën e tyre ishin ulur katër vajza, të cilat e kishin njohur nga televizioni.

“Na ulën neve në tavolinë me disa goca, katër goca të bukura. Edhe sa më shikojnë, më njohin ato: ‘Përshëndetje, Endri’. Edhe unë thashë, po hyjnë në muhabet me mua këto”, tregoi ai.

Sipas Miskut, gjatë bisedës vajzat i kishin thënë se ishin ftuar nga Olsa Muhameti për t’u bërë pjesë e “Për’puthen”.

Ish-konkurrenti pretendoi se më pas një mik i tij i kishte thënë se vajzat ofronin shërbime seksuale kundrejt pagesës. Ai tregoi se fillimisht nuk e kishte besuar, por kishte vendosur të pyeste disa persona të tjerë në lokal.

“Edhe më thotë ky shoku: ‘Endri, këto janë prostituta’. Unë s’e besoja, thosha jo mo, ky po xhelozon. Dhe ai më tha: ‘Shiko, tutorët i kanë te tavolina tjetër. Po s’beson, pyeti’”, rrëfeu Misku.

Sipas versionit të tij, një prej personave që kishte pyetur i kishte përmendur shumën prej 300 eurosh.

Në fund të rrëfimit, Misku ngriti një pyetje të drejtpërdrejtë për Olsa Muhametin, duke lidhur pretendimet e tij për vajzat me ftesat që ato, sipas tij, kishin marrë për programin.

“A e ka ditur Olsa Muhameti që prostitutat vijnë në emisionin e saj? Se nuk vijnë dot pa t’ua ofruar ajo?”, u shpreh ish-konkurrenti.

Deklaratat e Endri Miskut mbeten pretendime të tij, të pambështetura deri tani nga prova të bëra publike.