I merret jeta ne spital nje prej emrave te

Sipas raportimeve të mediave, autori ka hyrë në ambientet e spitalit me një helmetë

 në kokë dhe është drejtuar drejt dhomës ku Buyukdeniz po merrte trajtim mjekësor. Kamerat e sigurisë kanë regjistruar lëvizjet e tij përpara se të hynte në dhomë dhe ta qëllonte për vdekje.

Buyukdeniz ndodhej në spital prej 16 tetorit, pasi i kishte mbijetuar një atentati në rrugë. Atë ditë, një automjet iu afrua ndërsa po ecte dhe persona ende të paidentifikuar qëlluan rreth dhjetë herë në drejtim të tij.

Nga sulmi, ai mori plagë kryesisht në këmbë dhe autoritetet e transportuan në spital për trajtim.

Sipas mediave turke, pas atentatit të parë Buyukdeniz kishte refuzuar të dëshmonte përpara autoriteteve spanjolle. Për këtë arsye, policia nuk kishte vendosur efektivë për të ruajtur dhomën e tij në spital.

Megjithatë, ai kishte angazhuar një truprojë private, pasi dyshonte se autorët mund të tentonin sërish ta vrisnin.

Atentati i dytë përfundoi me vrasjen e tij brenda institucionit shëndetësor, në prani të bashkëshortes.

Deri tani, raportimet nuk japin të dhëna për identitetin e autorit, arrestimin e tij apo motivin e vrasjes.