Një aksident është regjistruar në një kafene në Torino, Itali ku një makinë përplaset me dërën e lokalit dhe përfundon duke marrë para disa klientë.
Në videot e sigurisë të cilat jane publikuar nga mediat italiane duket makina e cila ka humbur kontrollin dhe thyen derën e kafenesë duke marrë para disa klientë të cilët ndodheshin pranë daljes.
Ngjarja ndodhi rreth orës 9:30 të mëngjesit me orën lokale teksa klientët po shijonin mëngjesin e tyre brenda kafenesë lokale. Shtatë persona janë dërguar në spital me lëndime të lehta, por nuk ka raportime për viktima.
Sipas mediave lokale, matësi i shpejtësisë në makinë në momentin e përplasjes u bllokua në 115 km/h.
“Mund të ishte një tragjedi e vërtetë, të paktën 10 njerëz mund të kishin vdekur”, ka thënë për BBC, vajza e pronares së kafenesë, Simona Carastro. Ndërsa policia po heton ende rrethanat e aksidentit.
