Raporti Botëror i Lumturisë për këtë vit, ka renditur sërish Finlandën në krye të klasifikimit, për të tetin vit radhazi.
Ky shtet e merr këtë epitet specifikisht për natyrën dhe sistemin e mirëqenies, duke dalë para tre vendeve të tjera nordike.
Vendi i dytë në këtë listë është Danimarka, me pas Islanda dhe Suedia. Ndërsa Britania e Madhe ashtu edhe SHBA-ja zbritën në të 23-tin dhe 24-tërtin - pozicione më të ulëta ndonjëherë.
Dy faktorë kryesorë i ndihmojnë finlandezët të gjejnë lumturinë në jetë: një nivel i lartë besimi te institucionet dhe kolegët, si dhe një fokus i fortë në ekuilibrin punë-jetë.
Njerëzve në 143 vende u kërkohet të vlerësojnë jetën e tyre në një shkallë nga zero në 10, ku 10 përfaqëson jetën e tyre më të mirë të mundshme.
Sa i përket Shqipërisë, raporti e rendit në vendin e 89 ndërsa Kosova gjendet në vendin e 29 e ndjekur nga Serbia në të 31. Libani, Sierra Leone dhe Afganistani mbajnë vendet e fundit.
Në vitin 1918, një vit pasi Finlanda fitoi pavarësinë vendi kaloi në një luftë civile të ashpër. Kur Finlanda doli nga Lufta e Dytë Botërore në vitin 1945, ishte një nga kombet më të varfra në Evropë.
Lumturia dhe mirëqenia e tyre është ngritur nga rrënojat. Tashmë është vlerësuar si vendi më i qëndrueshëm, më i lirë dhe më i sigurt nga shumë organe ndërkombëtare dhe me më pak korrupsion në botë.
Ekspertet qe u morën me raportin thonë se lumturia arrihet shumë lehtë. Ajo që njerëzit e një vendi duhet të bëjnë është që të zgjidhen qeveri që sigurojnë që vendi të bëhet më i barabartë në aspektin e të ardhurave.
