“Vdesin në banesë e qëndrojnë aty me ditë” Sa shqiptarë kanë vdekur në Itali prej koronavirusit

68

Aktivistja për mbrojtjen e të drejtave të emigrantëve, Sonila Alushi ka zbuluar se janë të paktën 9 shqiptarë që kanë humbur jetën në Itali për shkak të koronavirusit.

Në një lidhje live me abcnews, Alushi deklaroi se shqiptarët që kanë humbur jetën ndodheshin në zonën e Bergamos dhe të Lombardisë, atje ku dhe shpërtheu përhapja e covid-19.


Alushi: Ditët e para nuk kishim informacion për të prekur me COVID-19, por deri tani janë konfirmuar 9 viktima. Dy janë në zonën e Bergamos, provincë, dhe disa të tjerë në Lombardi. Sa i përket zotërisë 60 vjeç në kontakt që kam kam me të afërt mësohet se nuk ka qenë i prekur me sëmundje të tjera. Një aspekt i rëndësishëm është se në rajonin e Lombardisë mesatarja e moshës është 47 vjeç, popullsia italiane konsiderohet e vjetër.

Aktivistja tregon dhe simptomat që ajo vetë kaloi pasi u infektua nga koronavirusi. Më tutje sqaron se situata në Itali është bërë mjaft e vështirë, aqsa ka plot raste kur njerëzit vdesin në banesat e tyre dhe qëndrojnë aty me ditë.

Aktivistja: Sipas këshillave që morëm me mjekun e familjes mesa duket ishte koronavirus. Të gjithë u izoluam edhe pse nuk e kishim sigurinë. Kemi 28 ditë që nuk shihemi me vjerrin pasi është izoluar sepse rreziku i tij është më i madh, për shkak të problemeve të tjera shëndetësore.

Sëmundjen e kemi përjetuar në mënyra të ndryshme. Nuk u kurova me mjekime. Mora informacion nga mjeku. Në këtë moment që flasim jam në ditën e 20. Në rastin tim kam pasur dhimbje koke, temperaturë, rëndesën në kraharor e ndjeja, por në krahasim me të tjerët e mora vetën shumë shpejt. Në këtë moment Bergamo po humb një gjeneratë të tërë, flasim për moshën rreth 70 vjeç. Kam bërë mbi 10 telefonata për ngushëllime. Humbjet janë të përditshme, janë më shumë se numrat shqiptarë. Në disa raste ka vdekje në shtëpi dhe këto kufoma qëndrojnë në shtëpi edhe për ditë me radhë.

Na thonë që në këtë provincë po vdesin më shumë njerëz. Koronavirusi por vret më shumë. Tashmë vendi është një gjendje shoku, njerëzit nuk po e kuptojnë e jetëve.

Para tre ditësh fqinja na tha që kishte humbur bashkëshortin , dhe ne e morëm vesh nga ballkoni është vërtet e pabesueshme.

Gjithashtu përtej frikës apo panikun ka dhënë një mesazh të rëndësishëm, duke kërkuar qytetarëve që të përballen me realitetin. Por ajo theksoi që ky virus nuk duhet nënvlerësuar, zgjidhja më e mirë është të vazhdojmë të qëndrojmë në shtëpi, duke evituar sa më shumë numrin e vdekjeve. Jeta jonë varet nga tjetri dhe jeta e tjetrit varet nga e jona, duhet të ndërgjegjësohemi.