Mediat më të mëdha ndërkombëtare shkruajnë për tërmetin në Shqipëri

606

Mediat më të mëdha ndërkombëtare si “Reuters”, “Asociatedd Press”, “Uashington Post” etj kanë raportuar për lëkundjet sizmike që janë shënuar në qarkun e Korçës, në Shqipëri.

“Gjashtë tërmete në hapësirën prej dy orësh, e para me një madhësi prej 5.3, tronditën të shtunën Shqipërinë juglindore duke plagosur katër vetë dhe duke shkaktuar dëme në 100 shtëpi, thanë autoritetet dhe dëshmitarët okularë. Katër vetë u lënduan nga rënia e mureve, kulmeve dhe llaçit të shtëpive të tyre dhe u dërguan në spital në qytetin kryesor të Korçës në pjesën lindore të Shqipërisë”, shkruan “Reuters”.

Loading…

Media në fjalë thotë se epiqendra e tërmetit u shënua në fshatin Floq, aty ku dhe dëmtimet ishin më të rënda. Po ashtu, theksohet se 4 persona janë plagosur dhe janë dërguar në spital për mjekim.

Kujtojmë se lëkundjet ende vazhdojnë herë pas here, ndërsa deri tani thuhet se nuk do të ketë më lëkundje të forta.