Uji i nxehtë më limon, përfitimet dhe rreziqet

280

Rreth cilësive medicinale të limonit, pasuria e tij me vitamina dhe minerale dhe të gjitha përfitimet që kemi nga konsumimi i tij, kemi shkruar disa herë. Sot ne përgjigjemi në pyetjen se pse ju duhet të pini ujë me limon të freskët.

Një pije e shëndetshme natyrore e tillë si me fruta dhe perime janë një pako shëndetësore për të na ndihmuar në rimëkëmbjen pas ushtrimeve të fuqishme, mund të ndihmojnë në hidratimin e trupit, duke na dhënë energjinë e nevojshme dhe proteina ndërsa caji bimor shërben si qetësues dhe zbutës. Dhe çfarë janë përfitimet e konsumit të ujit me limon të freskët?

Loading…

Fillimi i ditës me një gotë të vakët uji me limon është një ritual dhe traditë e lashtë e përdorur nga jogi të famshëm dhe përdoret për pastrimin e trupit nga materiet toksike të cilat shtresohen në organizëm. Edhepse mund të ju ngjajë se keni të bëni me mjekësi popullore të pavlefshme, edhe shkenca moderne i vërteton cilësitë shëruese të kësaj pije.

Edhepse në përgjithësi jemi mësuar që t`a fillojmë ditën me ndonjë caj apo kafe, një ditë e nisur me një gotë lemonade të nxehtë është shtytje për një ditë me energji. Uji nuk do të thotë të jetë i vokët apo i ngrohtë mirëpo duhet të jetë i pastruar. Duhet bërë praktikë që të mbushni një bokall në gjysmë me lëng të shtrydhur nga limoni, që gjatë ditës t`a konsumoni më lehtë.

Forcon imunitetin
Limoni është shumë i pasur me antioksidant vitaminë C, e cila luan një rol shumë të rëndësishëm kur është fjala për forcimin e sistemit imunitar, dhe mund të zvogëlojë në masë të madhe rrezikun e infeksioneve respiratore. Acidi askorbik, i cili është gjetur edhe në limon mund të ketë një efekt anti-inflamator, dhe është përdorur për të lehtësuar simptomat e astmës dhe probleme të tjera të frymëmarrjes. Përveç kësaj, ka edhe cilësinë anti-mikrobiale dhe rrit aftësinë e trupi të absorbojë më mirë hekurin.