Lëngu i gjetheve të ullirit përdoret me rezultate shumë të mira edhe kundër arteriosklerozës dhe rasteve kur shfaqen sëmundje të shoqëruara me temperaturë të lartë.
LËNGU I GJETHEVE TË ULLIRIT ME LIMON
Për të përgatitur lëngun nga gjethet e ullirit, duhet të përdorni gjethe të thata, ose të njoma në kushtet e shtëpisë.
Merrni një enë metalike, të cilën duhet ta mbushni me 300 ml ujë dhe ta vini të vlojë.
Kur arrihet pika e vlimit, hidhni një sasi prej rreth 20 deri 25 gjethe të thara të ullirit.
Uji, së bashku me gjethet, duhet të vlojë sërish per 4-5 minuta dhe më pas, hiqeni nga zjarri dhe ta lini të ftohet.
Pasi të ftohet, shtrydhni me të lëngun e një limoni të vogël, ose gjysmë limoni nëse është i madh.
Mund të shtoni edhe një lugë kafeje ose çaji mjaltë. Lëngun ta pini të ftohtë, madje edhe me akull, deri në 3 gota në ditë, pas ushqimit.
